"Bəzi qərb ölkələri bizi nədə ittiham edirsə, həmin problemlərin dəfələrlə artığı onların özlərində mövcuddur" - DEPUTAT

COP29 Azərbaycanın insan hüquqları öhdəliyinə sadiqliyini nümayiş etdirməsi üçün fürsətdir. Bəs görəsən COP29 qərbin bəzi nümayəndələrinin, dırnağarası demokratiya iddialarını yayan insanların Azərbaycana qarşı ardıcıl təxribatlar etməyi və Ermənistanı özünə çəkməsi üçün fürsət deyilmi?

Mövzu ilə bağlı Sonxeber.az – a açıqlama verən deputat Azər Allahverənov bildirib ki, bəzi qərb ölkələri bizi nədə ittiham edirsə, həmin problemlərin dəfələrlə artığı onların özlərində mövcuddur:

"Əslində reallıq ondan ibarətdir ki, qərb riyakarlığı bu və ya digər formada özünü istənilən situasiyada göstərir. Biz belə hallara öyrəşməliyik. Düşünürəm ki, artıq Azərbaycanın bir immuniteti formalaşıb sözün əsl mənasında. Yadıma düşür ki, 90- cı illərin ikinci yarısında Azərbaycanla bağlı siyasi bir qərar qəbul olanda böyük etirazlar yaranırdı. İndi isə biz belə halları normal qarşılayırıq. Çünki o qətnamələr elə qətnamə, bir kağız parçası olaraq qalır. Bəzi qərb ölkələrinin riyakarlığı özünü onda biruzə verir ki, bizi nədə ittiham edirlərsə, həmin problemlərin dəfələrlə artığı onların özlərində mövcuddur. Bu öz gözündə tiri görməyən başqasının gözündə çör-çöp axtarmaq məsəlinə bənzəyir. Biz hər zaman belə münasibətlərin bizə qarşı sərgilənməsinin şahidi olacağıq. Onların daim gündəmə gətirdiyi məsələlərin heç biri Azərbaycanda öz təsdiqini tapmır. Eyni zamanda digər dövlətlərdən fərqli olaraq Azərbaycan qərb üçün də açıq bir dövlətdir. O baxımdan ki, baxmaq istəyirsiz, buyrun baxın. Monitorinq keçirmək istəyirsiz, buyrun gəlin keçirin. Hansısa sənədlərlə tanış olmaq istəyirsiz, gəlin olun. Amma bu baş vermir.
Bəzi məsələlərdə Azərbaycanı ittiham edirlər. Onlardan biri etnik təmizləmə prosesi idi. Qarabağdan ermənilərin göndərilməsi zamanı həmin şəxslərin uçotu aparılırdı. Hər biri ilə müsahibə götürülürdü. Onlar özləri hər şeyi etiraf edirdilər. Bunlar hamısı sənədləşdirilirdi. Azərbaycan bu sənədləri saxlayır. Kim tanış olmaq istəyirsə, buyursun.
Qərb deyəndə heç kəs elə anlamasın ki, qərbdə olan bütün ölkələr Azərbaycanın əleyhinədir. Qərb ölkələri arasında Azərbaycana tərəfdaş olanları da var. Hətta həmin dövlətlər Avropa İttifaqının Cənubi Qafqaz bölgəsindəki siyasətini tənqid edirlər. Buna görə də onların özlərini Avropa İttifaqı daxilində bu və ya digər formada təzyiq altında saxlamağa çalışırlar. Yəni istənilən halda mən düşünürəm ki, qərb Cənubi Qafqazda gedən proseslərə müdaxilə etmək istəyir".

Çiçək Sadatova

Telegramda izləyin