Canlı yayımda dava edən qadınlardan biri digərini güllələdi

Ankarada canlı yayımda iki qadın arasında yaranan mübahisə qanla nəticələnib.

Sonxeber.az türk mediasına istinadən xəbər verir ki, axşam saatlarında Ankaranın Sincan mahalında sosial media fenomeni Çağlayan Y. və Cansum Ş. arasında mübahisə baş verib. Cansum Ş. mübahisə zamanı sənədsiz silahla Çağlayan Y.-ni sol ayağından vurub və sonra avtomobillə hadisə yerindən qaçıb.

Ətrafdakıların məlumatı üzrə hadisə yerinə təcili tibbi yardım və polis sövq edilib. Təcili tibbi yardım əməkdaşları yaralı Çağlayan Y.-ni xəstəxanaya çatdırıb. Polis qrupları hadisə ilə əlaqədar araşdırma başladıb.

Hadisə yerindən qaçan Cansum Ş. və M.H. adlı şəxs polis qrupları tərəfindən saxlanılıb.

Nəzarətə alınan Cansum Ş.-nin əvvəllər törətdiyi əməllərə görə 80 cinayət qeydinin olduğu üzə çıxıb.

Onların arasındakı mübahisənin dəqiq səbəbi hələki məlum deyil.

Faktla bağlı istintaq davam edir.

Telegramda izləyin