Bu qadın 7 ildir xəstəxananın önündə insanlara şorba paylayır

Konyada yaşayan Lokman Yıldız 7 ildir həftənin 3 günü həyat yoldaşı ilə xəstəxanalara gedib, 200-ə yaxın adama şorba paylayır.

Sonxeber.az türk mediasına istinadən xəbər verir ki, Konyada bağırsaq əməliyyatından sonra təqaüdə çıxan 62 yaşlı Lokman Yıldız 7 il əvvəl xeyriyyə işi ilə məşğul olmaq istəyib.

O xəstəxanaların önünə gedərək yayda soyuq limonad, qışda şorba paylamağa başlayıb.

Müsbət reaksiyaları gördükcə Yıldız ona "pulsuz iş olmaz" deyənlərə məhəl qoymadan xeyriyyə işlərinə davam edib. Səhər tezdən durub həyat yoldaşı ilə şorba hazırlayıb qablara dolduran qadın maşını ilə xəstəxanaların qarşısına gedərək vətəndaşlara şorba paylayır.

Əməliyyatlardan sonra özünü xeyriyyə işlərinə həsr edən Lokman Yıldız: "Bağırsaq xəstəliyinə görə 3 dəfə əməliyyat olundum. Dedim ki, ya Rəbb, məni bu bəladan xilas et, təqaüdə çıxanda sənə xidmət edəcəm. Ona görə də bu işə başladım. Hazırda 62 yaşım var. Ömrümün sonuna qədər davam edəcəyəm. Təqaüdə çıxdıqdan bir il sonra limonad paylamağa başladım. Vətəndaşlardan yaxşı cavab aldım. Bəyəndikləri üçün dedim ki, Allah nəsib etsə, şorba hazırlayıb paylayacam. Sonra planlaşdırdığım kimi şorba hazırlamağa başladım. İnsanların duasını almağa çalışıram, yeganə məqsədim budur, başqa məqsədim yoxdur" deyib.

Telegramda izləyin