Ev sahibi yaşlı kirayənişini və qızını döydü

Ankarada ata və qızı kirayə qaldıqları ev sahibi tərəfindən döyülüblər.

Sonxeber.az türk mediasına istinadən xəbər verir ki, hadisə noyabrın 18-i axşam saatlarında Ankaranın Altındağ səmtindəki Baraj məhəlləsində baş verib. İddiaya görə, İstanbulda yaşayan A.T. (38) 4 illik kirayəçisi Himmet Kaysal (58) və qızı Seçil Kaysalın (33) ödədiyi 4 min 200 lirə kirayə haqqını az olduğunu deyib. Bu zaman Kaysal ailəsi ilə ev sahibi arasında mübahisə yaranıb. Ev sahibi yaşlı ata və qızını döyməyə başlayıb.

Qonşuların məlumatı üzərinə bölgəyə sövq edilən polis qrupları hadisəyə müdaxilə edib, yaralı ata və qızı xəstəxanaya aparılıb. Ev sahibi saxlanılıb.

Faktla bağlı araşdırmalar davam edir.

Telegramda izləyin