Qonşular arasında təmizlik mübahisəsi zamanı 13 yaşlı uşaq bıçaqlanaraq ağır xəsarət alıb

Eskişəhərdə mənzil təmizliyi zamanı qonşular arasında çıxan bıçaqlı davada 68 yaşlı vətəndaş 13 yaşlı uşağı bıçaqlayaraq ağır yaralayıb.

Sonxeber.az türk mediyasına istinadən xəbər verir ki, hadisə Odunpazarı Məhəlləsi, Emek Mahallesi, İzgü küçəsində baş verib. Əldə edilən məlumata görə, küçədə yerləşən yaşayış binasında qonşular arasında təmizlik məsələsi ilə bağlı mübahisə düşüb.

Rüsumun ödənilməsi ilə bağlı fikir ayrılığı olduğu iddia edilən iki ailə arasında mübahisə daha da böyüyərək davaya çevrilib. Baş verən davada 68 yaşlı E.Yunus 13 yaşlı T.P. adlı oğlanın qarnından bıçaqlayıb.

Xəbər verildikdən sonra hadisə yerinə polis və təcili yardım göndərilib. Qarın nahiyəsindən bıçaqlanan və ağır yaralanan 13 yaşlı T.P. 112 Təcili Xidmət qrupları tərəfindən Eskişəhər Şəhər Xəstəxanasına aparılıb. Reanimasiya şöbəsində müalicə alan 13 yaşlı uşağın vəziyyətinin ağır olduğu öyrənilib.

Hadisə yerinə gələn polis qrupları 13 yaşlı qonşusunu bıçaqlayan E.Yunusu saxlayıb. Hadisə ilə bağlı araşdırmalara başlanılıb.

Vüsalə İbrahmli

Telegramda izləyin