Balıq tutmağa gəldi, bataqlıqda qaldı - VİDEO

Sancaktepedəki Aydos Milli Bağçasında saat 13:00 radələrində baş verən hadisədə gölməçədə balıq tutan Berat Can gölməçəni keçmək üçün suyun yanındakı palçığın üzərində gəzməyə başlayıb.

Sonxeber.az xarici mediaya istinadən xəbər verir ki, palçığın bataqlıq olduğunu dərk etməyən Can qəfildən bataqlığa ilişib qalmağa başlayıb. Belinə qədər ilişib qaldığı bataqlıqdan çıxa bilməyəcəyini anlayan Can ətrafdakı vətəndaşlara səslənərək kömək istəyib.

Bu zaman gölməçənin yanında gəzən bir qrup qadın bataqlıqda qalan gəncin köməyinə qaçıb. Bataqlıqda qalan gənci öz imkanları ilə xilas edə bilməyəcəklərini anlayan vətəndaşlar vəziyyəti xilasetmə qruparına xəbər veriblər. Hadisə yerinə xilasetmə və polis qrupları sövq edilib.

Onlar bataqlıqda qalan gənci xilas etmək üçün ona nərdivan təklif ediblər. Pilləkənlərdən yapışan Berat Can təxminən yarım saata özünü bataqlıqdan çıxarıb. Səhhəti yaxşı olan Can daha sonra hadisə yerinə gələn dostları ilə birlikdə gedib.

Vüsalə İbrahimli

Telegramda izləyin