Tibb bacısının şübhəli ölümündə həkim günahlandırılır

Türkiyəədə xəstəxanada əməliyyat olunan babası ilə qalan tibb bacısı Selen Bilgin ona vurulan dərman iynəsinə görə dünyasını dəyişib.

Sonxeber.az türk mediasına istinadən xəbər verir ki, Bilginə dərman iynəsi vuran həkimin isintaqda adı hallansa da, onun azadlıqda olması gənc tibb bacısının ailəsinin üsyanına səbəb olub.

Hadisə baş verən gün Bilgin əvvəllər tanış olduğu və eyni xəstəxanada işlədiyi həkim Fatih Akının otağına gedib. Kamera görüntülərinin araşdırılmasında, Selen Bilginin otağa girməsindən 1 saat sonra Fatih Akın həyəcanla telefonla danışaraq otaqdan çıxdığı bildirilib.

Daha sonra Bilginin xəstəxana işçiləri tərəfindən təkərli xəstə çarpayısında otaqdan çıxarıldığı, Həkim Tevfik K. tərəfindən Bilginə ürək masajı, şübhəli həkim Fatih Akın tərəfindən isə süni tənəffüs edildiyi təhlükəsizlik kamerası görüntülərində də əks olunub. Bilginin ölümü tibbi ekspertizanın rəyində "yüksək miqdarda dərman qəbulu" olaraq qeyd edilib.

Şübhəli həkim Fatih Akın açıqlamasında: "Zərərçəkənə dərman verməmişəm. Bu dərmanı Selen Bilgin özü istifadə edib. Otağıma gələndə başı ağrıyırdı, mən ona ağrı kəsici serum verdim. Bir az sonra o yenə dərman istədi. Verdim və otaqdan çıxdım. Qayıdanda isə onun özündə olmadığını anladım" , - deyə bildirib.

Məhkəmədə Akının "qəsdən adam öldürmə ehtimalı" maddəsi ilə ömürlük həbsə məhkum edilməsi istənilib. Lakin hakim yekun qərarı istintaq tam başa çatdıqdan sonra verəcəyini bildirib.

Mərhumun ailəsi istintaq prosesi zamanı Akının azadlıqda olmasına etiraz edib.

Faktla bağlı araşdırmalar davam edir.

Telegramda izləyin