2 yaşlı qız anasının sevgilisi tərəfindən öldürüldü

İngiltərədə iki yaşlı İzabella adlı qız anasının sevgilisi tərəfindən öldürülüb.

Sonxeber.az xarici mediaya istinadən xəbər verir ki, hadisədən sonra cütlük günlərlə uşağın meyitini arabada gəzdirib.

Onlar daha sonra meyiti tənha bir yerə atıb qaçıblar.

Uşağın meyiti tapılandan sonra hadisə ilə bağlı araşdırma başladılıb.

Tibbi ekspertizanın araşdırmasından sonra balaca İzabellanın tapıldıqdan 4 gün əvvəl öldürüldüyü müəyyən edilib. Onun ölümündə anası Çelsi Qlison-Mitçel və anasının sevgilisi Skott Ceff şübhəli kimi saxlanılıb.

Araşdırmalardan sonra məlum olub ki, Skott Ceff dəfələrlə İzabellanı döyüb və onu saatlarla soyuq duşda saxlayıb, nəticədə kiçik qızın bədənində çoxlu sınıqlar və xəsarətlər yaranıb.

İzabellanın anası Ceffin qızına qarşı zorakılığını görsə də, heç nə etməyib.

Məhkəmə Skott Ceff-i İzabellanın qətlindən məsul tutub və ona ömürlük həbs cəzası verib.

Anası isə qızının ölümündə birbaşa iştirak etməsə də, onun ölümünü gizlətməkdə günahlandırılıb. Məhkəmə qadının cinayət məsuliyyətini nəzərə alaraq ona hökm çıxaracaq.

Telegramda izləyin