Təyyarədəki sərnişinin bu hərəkəti onun bütün uçuşlarına qadağa qoyulmasına səbəb oldu - VİDEO

United Airlines aviaşirkətinin Austin-Los Angeles reysində təəccüblü hadisə baş verib.

Sonxeber.az xarici mediaya istinadən xəbər verir ki, sərnişinlərdən biri təyyarənin oturacağını təpikləməyə başlayıb.

Digər sərnişinlər mobil telefonun kamerası ilə hadisəni lentə alıb.

Təxminən 25 saniyə davam edən kadrlarda görünür ki, kişi oturacağı var-gücü ilə təpikləyir.

Daha sonra isə sərnişinlər onu sakitləşdirib.

Hadisəni lentə alan və San Dieqoda narkomaniya üzrə məsləhətçi işləyən Gino Galofaro deyib: "Təpik səslərinə oyandım. Kabin heyəti bir neçə dəfə yanından keçdi, amma ona heç kim heç nə etmədi. Mən və digər iki sərnişin onu sakitləşdirib kresloya bağladıq. Ailəsi ilə əlaqə saxlayıb kömək etmək istəyirəm"

United Airlines, 76 sərnişin və 5 ekipaj üzvü olan təyyarədəki insidentdən sonra həmin sərnişinə bütün uçuşlara qadağa qoyulduğunu açıqlayıb.

Telegramda izləyin