Əri ilə mübahisə edən qadın yoldan keçən vətəndaşları döydü - VİDEO

İstanbul Taksimdə bir amerikalı qadın içki içərkən ərinin üzünü yaralayıb, daha sonra çölə çıxaraq yoldan keçən insanlara hücum edib.

Sonxeber.az türk mediasına istinadən xəbər verir ki,
hadisə saat 23:00 radələrində Katip Mustafa Çələbi Məhəlləsində baş verib. ABŞ vətəndaşı Sidney Rei Huff (27) əri Velican A. (26) ilə bir restoranda spirtli içki qəbul edib. Bir müddət sonra cütlük arasında naməlum səbəbdən mübahisə yaranıb. Mübahisə zamanı əsəbiləşən qadın həyat yoldaşı Velican A.-nın üzünü yaralayıb və restorandan çıxıb.

Bir müddət gəzən amerikalı qadın marketin qarşısında dayanıb. Bu sırada yoldan keçən Mert T. (30) qadının hədəfinə çevrilib. Qadın onun boynunu sıxıb və qızıl boyunbağısını qırıb. Mert T. vətəndaşların müdaxiləsi ilə qadının əlindən çətinliklə xilas olub. Daha sonra Sidney ayağa qalxıb və qaçaraq səkidə gedən başqa bir şəxsi vurub, yolda dayanan taksinin şüşəsini sındırıb.

Qısa müddətdən sonra hadisə yerinə gələn polis döyülən Mert T.-nin şikayəti ilə qadını nəzarətə götürüb. Sidney taksi sürücüsü Velat G.-yə dəymiş ziyanı ödəyib.

Onun barəsində "qəsdən xəsarət yetirmə" və "əşyaya ziyan vurma" ittihamı ilə qanuni tədbir görülüb.

Polis bölməsindəki əməliyyatlardan sonra sövq edildiyi ədliyyədə sərbəst buraxılan qadının deportasiya edildiyi bildirilib.

Telegramda izləyin