Lotereyada 33 milyon qazanan şəxs diş estetiki etdirərkən dünyasını dəyişib

Braziliyanın ən böyük lotereyası Meqa Senadan 33 milyon dollar qazanan 73 yaşlı Antonio Lopes Siqueira qazandığı pulla başladığı diş müalicəsi zamanı dünyasını dəyişib.

Sonxeber.az türk mediasına istinadən xəbər verir ki, yüksək qan təzyiqi və şəkər xəstəliyindən əziyyət çəkən Siqueira diş implantasiyası etmək qərarına gəlib lakin o, əməliyyat zamanı dünyasını dəyişib.

Diş əməliyyatı zamanı ürəyi tutan Siqueiraya həkimlər müdaxilə edib, lakin onu xilas etmək mümkün olmayıb.

Polis hadisə ilə bağlı araşdırmalara başlayıb. Polis rəisi Edison Pik, "Əgər bu təbii bir ölümdürsə, klinika məsuliyyət daşıya bilməz. Tibbi ekspertizanın rəyini gözləmək lazımdır",- deyə açıqlama verib.

Qeyd edək ki, dörd uşaq atası olan Siqueira Braziliyanın Mato Qrosso bölgəsində heyvandarlıqla məşğul olurdu. O, cəmi 66 qəpiyə aldığı biletlə cekpotu qazanmışdı.

Lotereya biletini aldığı mağazanın sahibi Siqueiranın onun daimi müştərilərindən biri olduğunu və tez-tez cekpotu udmaq üçün zarafat etdiyini bildirib.

Telegramda izləyin