15 yaşlı oğlan getdiyi kafedə terrasın işləmədiyini deyən ofisantı güllələdi

İstanbulda kafeyə gələn 15 yaşlı oğlan terrasa çay gətirməyən ofisantı yanında gəzdirdiyi silahla öldürüb.

Sonxeber.az türk mediasına istinadən xəbər verir ki, hadisə İstanbulun Esenler səmtində baş verib.

Kafeyə gələn yeniyrtmələr içəri girməyib və terrasda əyləşmək istəyib. Onlar ofisant İhsan Zekioğlundan çayı terrasa gətirməsini istəyiblər.

Zekioğlu, uşaqlara hava soyuq olduğu üçün terrasın işləmədiyini bildirib. Aldığı cavabdan əsəbiləşən 15 yaşlı oğlan ofisantı yanında gəzdirdiyi silahla güllələyib. Zekioğlu hadisə yerində dünyasını dəyişib.

15 yaşlı oğlan və yanındakı dostları hadisə yerindən qaçıblar.

Polis qətl şübhəlisi olan oğlanı tutmaq üçün axtarış əməliyyatına başlayıb.

Telegramda izləyin