Qatardan asılaraq poza verən gənc qız ağaca çırpılaraq yıxılıb - VİDEO

Ötən şənbə günü Şri Lankada baş verən hadisədə çinli turist sosial media üçün foto çəkdirmək istəyərkən qatardan yıxılıb. Xoşbəxtlikdən kolluğa düşən turist ciddi xəsarət almayıb.

Sonxeber.az xarici mediaya istinadən xəbər verir ki, hadisə şahidlərinin mobil telefonlarına çəkdiyi kadrlarda gənc qadının qatarın pəncərəsindən çölə söykənərək məhəccərlərdən yapışaraq poza verməyə çalışdığı görünür.

Bu vaxt qatar meşəlik ərazidən keçərkən qadın budaqlara çırpılaraq müvazinətini itirərək vaqondan düşüb. Hadisəni görən digər sərnişinlər böyük panika yaşasa da, qatar növbəti dayanacaqda dayandırılıb və sərnişinlər qadına kömək etmək üçün hadisə yerinə qayıdıblar.

Yerli polis rəsmiləri bu hadisədən sonra bütün qatar sərnişinlərinə təhlükəsizlik xəbərdarlığı edib. Xüsusilə fotoşəkil çəkərkən təhlükəli davranışlardan qaçınmaq və təhlükəsizlik qaydalarına riayət etmək üçün xəbərdarlıq edilib.

Vüsalə İbrahimli

Telegramda izləyin