"Azərbaycan xalqına qarşı ABŞ-ın ayrı-seçkiliyi eyni formada davam edir" - POLİTOLOQ

"Bayden administrasiyası son illərədə dəfələrlə Azərbaycanın daxili işlərinə qarışmağa cəhd göstərdi. Ancaq, rəsmi Bakının sərt reaksiyası Bayden administrasiyasını ehtiyatlı davranmaq məcburiyyətində buraxdı. Bununla belə, ABŞ Avropa Birliyi və Fransa ilə ortaq şəkildə Azərbaycanın daxili işlərnə müdaxilə etmək niyyətindən tam əl çəkməyib və bunu mütəmadi şəkildə davam etdirir. Rəsmi Bakının da müqaviməti eyni səviyyədə öz aktuallığını qoruyur".

Bunu Sonxeber.az-a politoloq Elçin Xalidbəyli danışıb.

O, açıqlamasında qeyd edib ki, qərb siyasi dairələri üçün insan haqları, sadəcə bəzi dövlətlərə qarşı istifadə etdikləri təzyiq mexanizmindən başqa bir şey deyil:

"Azərbaycan xalqına qarşı ABŞ-ın ayrı-seçkiliyi eyni formada davam edir. Çünki, nə qədər qəribə olsa da Bayden administrasiyası Azərbaycandan könüllü şəkildə Ermənistana getmiş ermənilərin geridönüşü ilə bağlı məsələləri gündəmə gətirir. Ancaq, 30 il öncə Ermənistandan zorakılıqla bütün hüquq və azadlıqları beynəlxalq hüquq normalarının kobud şəkildə pozulub və qovulmuş azərbaycanlıların hüquqları barədə Bayden administrasiyası israrla susur. Halbuki, Azərbaycandan könüllü getmiş ermənilərdən fərqli olaraq, azərbaycanlılar Ermənistandan zorakılıqla qovulub və onların mülkiyyət hüquqları, dədə-baba mülklərində yaşamaq hakları pozulmuşdur.
Bayden administrasiyası ümumiyyətlə, qərb siyasi dairələri üçün insan haqları, sadəcə bəzi dövlətlərə qarşı istifadə etdikləri təzyiq mexanizmindən başqa bir şey deyil. ABŞ və Avropa Birliyi qərbin maraqlarına uyğun davranmayan, onların təlimatları ilə fəaliyyət göstərmək istəməyən müstəqil xarici siyasət yürüdən dövlətlərə qarşı, adətən insan hüquqları ittihamlarından istifadə edir. Süni şəkildə, uydurma motivlərlə belə dövlətləri təqsirləndirir. Amma, ümumilikdə, ABŞ və Avropa Birliyinin də insan haqlarının pozulmasında ittiham etdiyi dövlətlərdən daha çox özlərində belə hallar yaşanır. Bunun da onlarla, yüzlərlə nümunəsi mövcuddur. ABŞ polisinin qaradərili Amerika vətəndaşlarına qarşı zorakılıq əməlləri, onların hüquqlarını tapdalaması orada insan hüquqlarının necə kobud şəkildə pozulmasının bariz örnəyidir. Eyni, hadisələrə Avropa Birliyi məkanında da rast gəlmək mümkündür. Xüsusilə də Fransa və digər Avropa Birliyi ölkələrində sərbəst toplaşma hüququ ciddi şəkildə məhdudlaşdırılıb, insanların öz fikirlərini ifadə etməsinə əngəllər törədilir. Bu da bəzi hallarda Avropa ölkələri, əsasən də Fransa polisi sərbəst toplaşan, kütləvi etiraz aksiyaları keçirən vətəndaşlarına qarşı zorakılıq tətbiq edirlər. Yəni,bütün bunlar onu göstərir ki, ABŞ və Avropa Birliyi və qərb siyasi dairələri üçün də insan haqları mövzusu, sadəcə, müstəqil xarici siyasət yürütmək qərarında israrlı olan dövlətlərə qarşı təzyiq mexanizmi rolunu oynayır".

Vüsalə İbrahimli

Telegramda izləyin