Diş həkimi 6 qadına təcüvüz iddiası ilə həbs edilib

Avstraliyada bir diş həkimi internetdə tanış olduğu gənc qadınların içkilərinə zərərli maddələr qataraq onları zorladığı üçün 15 il həbs cəzasına məhkum edilib.

Sonxeber.az xarici mediaya istinadən xəbər verir ki, 34 yaşlı Farzem Mehrabi 2022-ci ildə tanışlıq proqramlarında tapdığı 18-22 yaş arası 6 qadına qarşı 20-dən çox cinayət törədib.

Araşdırma zamanı məlum olub ki, o, 34 yaşı olsa da, qadınlara 24 olduğunu deyib və görüş zamanı qızları evinə dəvət edib.

Evdə olan zaman qızların içkisinə narkotik maddələr qatan Mehrabi onlara təcüvüz edib.

Altı qadının şikayət etdiyi Mehrabi polis tərəfindən saxlanılıb.

Məhkəmə zamanı Mehrabi cinsi təcavüz, narkotik maddələrdən istifadə və altı qadına zorakılıq etməkdə ittiham olunub. Lakin o, bütün ittihamları rədd edib. Cinsi əlaqənin razılıq əsasında olduğunu bildirib. Lakin hakim onun iddialarını yalan hesab edib.

Mehrabi 15 il azadlıqdan məhrum edilib.

Telegramda izləyin