Qayalıqda şəkil çəkdirmək istəyən qız nəhəng dalğanın qurbanı oldu - VİDEO

İndoneziyanın Lombok adasında 18 yaşlı Merlin Septiana qayalıqda şəkil çəkdirən zaman nəhəng dalğaların qurbanı olub.

Sonxeber.az xarici mediaya istinadən xəbər verir ki, bir anda suya düşən Merlinin qulaqcıqlarının taxdığı üçün dalğaların səsini eşitmədiyi müəyyən olub.

Ətrafdakı insanlar gənc qızı xilas etmək üçün səfərbər olublar. Əllərində ağac parçaları və çubuqlarla Merlinə çatmağa çalışan dostları nəhəng dalğalarla mübarizə aparan gənc qızı xilas edə bilməyib.

Saat 15:00 radələrində dalğalar aparan Merlinin meyiti saat 17:13-də tapılıb.

Regional Fəlakət İdarəsi rəisi bildirib ki, gənc qızın qulaqcıqdan istifadə etməsi onun fəlakəti görməsinə və dalğaların səslərini eşitməsinə mane olub.

Faktla bağlı araşdırma başladılıb.

Telegramda izləyin