Hava limanında silahlı və bıçaqlı davada 4 nəfər yaralanıb

Milad gecəsi ABŞ-ın Arizona ştatındakı Sky Harbour hava limanında baş verən atışma çaxnaşmaya səbəb olub. Hadisə nəticəsində 4 nəfər yaralanıb.

Sonxeber.az xarici mediaya istinadən xəbər verir ki, milad günü axşam saat 21:40 radələrində hava limanının üçüncü mərtəbəsindəki təhlükəsizlik məntəqələrinin qarşısındakı restoranın qarşısında başlayan davada 3 nəfər güllələnib, 1 nəfər bıçaqlanıb. Yaralı qadınlardan birinin vəziyyətinin ağır olduğu öyrənilib.

Hadisədən təxminən iki saat sonra hava limanında ikinci gərginlik yaranıb. Aktiv hücumçu olduğu barədə yalan məlumat aldıqdan sonra hava limanına çoxlu silahla gələn şəxs polislə davadan sonra saxlanılıb.

Hava limanının sözçüsü Erik Everts Terminal 4-dəki keçid məntəqəsinin təhlükəsizlik səbəbi ilə müvəqqəti bağlandığını, lakin qısa müddətdə əməliyyatların normala döndüyünü bildirib.

Polis hadisə ilə bağlı istintaqın davam etdiyini açıqlayıb.

Telegramda izləyin