Bankda silahlı soyğunçuluq hadisəsi baş verdi, bir işçi girov götürüldü

Adanada bankda silahlı soyğunçuluq hadisəsi baş verib.

Sonxeber.az türk mediasına istinadən xəbər verir ki, hadisə Çukurova rayonu, Şehit Bulvarında yerləşən bankda baş verib. Eyüp S. (56) adlı kişi üzündə maska ilə banka gəlib. Daha sonra o belindəki silahı çıxararaq işçilərə tuşlayıb və pulu tələb edib. Təxminən 18 min avro oğurlayan şübhəli daha sonra iş yerinin işçisini silahla girov götürərək qaçıb.

Polis məlumat kimi alan dərhal əraziyə gəlib. Ətrafdakı küçələri mühasirəyə alan polis Eyüp S.-yə qaçmağa imkan verməyib. Şübhəli bir neçə küçə aralıda saxlanılıb. Onun hadisədə istifadə etdiyi silah və oğurladığı pul ələ keçirilib.

Eyüp S. ilk ifadəsində bunu borcu olduğu üçün etdiyini iddia edib.

Faktla bağlı istintaq başladılıb.

Telegramda izləyin