"Rusiya nəinki üzr istəmək, heç əməlini etiraf da etmək istəmir" – POLITOLOQ

Dekabrın 25-də Bakı-Qroznı reysi ilə uçmalı olan sərnişin təyyarəsi Qazaxıstanda qəzaya uğrayıb, 40-a yaxın adam həlak ollub, 20-dən çox yaralı var.

26 dekabrda hakimiyyətə yaxın mənbələrdə AZAL təyyarəsinin Rusiya səması üzərində vurulması iddiaları səsləndikdən sonra bu, yerli medianın əsas müzakirə mövzusu olub.

Bəs görəsən Rusiya hadisə ilə bağlı Azərbaycandan üzr istəyəcəkmi?

Mövzu ilə bağlı politoloq Turab Rzayev Sonxeber.az – a açıqlama verib:

"Görünən odur ki, Rusiya hücum məsələsindən maksimum qaçmağa çalışır. Qazaxıstanın da verdiyi açıqlamaların qeyri-proffesional olduğunu gördük. Onların Nəqliyyat Naziri bildirdi ki, bu, texniki qəzadır. Amma təyyarənin quyruğunda olan qəlbə izləri barədə heç nə deyilmədi. Rusiya tərəfinin açıqlamaları çox ziddiyətlidir. Gah biz pilota fərqli şəhərlərə eniş etməyə icazə verdik deyirlər, gah, hava buludlu idi, gah da təyyarəni dronlar vurub. Amma hələ də təyyarənin vurulması ilə bağlı heç nə danışmayıblar. Bütün bunlar göstərir ki, Rusiya nəinki üzr istəmək, heç əməlini etiraf da etmək istəmir. Eyni zamanda, Rusiya və Qazaxıstan təklif edib ki, qəzanın araşdırılmasını MDB Aviasiya komissiyası həyata keçirsin. Azərbaycan tərəfi isə tələb edir ki, istintaqda mütləq embraer şirkətinin nümayəndləri və beynəlxalq ekspertlər iştirak etməlidir. Bununla Azərbaycan imkan vermək istəmir ki, istintaqa hər hansı müdaxilə olunsun. Hər şeyin real və obyektiv araşdırılması tələb edilir. Qısaca, Rusiya bizi azdırmaq, məsələni maksimum uzatmaq istəyir. İndiki halda etiraf edib, kompensasiya ödəməyə isə heç hazır deyil".

Çiçək Sadatova

Telegramda izləyin