2 yaşlı qız anası ilə qonaq getdiyi evin önündə itdi

Antalyada 2 yaşlı qız anası ilə qonaq getdiyi evin həyətində oynayarkən itib.

Sonxeber.az türk mediasına istinadən xəbər verir ki, hadisə Antalyanın Qazipaşa rayonunda baş verib.

Belə ki, anası ilə tanışlarının evinə qonaq gələn 2 yaşlı Esil adlı qız saat 16:00 radələrində evin həyətində oynayarkən itib.

Uşağı tapa bilməyən ailə dərhal polisə məlumat verib. Polis məhəllə və ətraf ərazilərdə axtarış əməliyyatı başladıb.

Təxminən 250 nəfərlik qrupun hər nöqtəni taradığı axtarışlar nəticəsində balaca qız 8 saat sonra tapılıb.

Yol kənarındakı alçaq təpədən aşağı yuvarlanmış halda tapılan Esilin ilk müayinəsində səhhətində ciddi problem olmadığı məlum olub.

Kiçik qız ehtiyyat tədbiri məqsədi ilə Qazipaşa Dövlət Xəstəxanasına aparılıb.

Telegramda izləyin