Sığınacaqdan qaçan ayı kənd sakinlərini qorxuya saldı

Bursada sığınacaqdan qaçan ayı rayonda səs-küyə səbəb olub.

Sonxeber.az türk mediasına istinadən xəbər verir ki, hadisə Bursansanın Karacabey rayonunda baş verib. Səhər saatlarında güclü külək baş verib. Ağaclar küləyin təsirindən heyvan sığınacağının üzərinə aşıb. Bu zaman sığınacaqda yaşayan ayılardan biri ağacların arasından cığır kimi istifadə edərək ordan qaçıb.

Karacabeyin Boğazköy Məhəlləsində bir vətəndaşın ayını küçədə görüb məlumat verib. Baş verən hadisə ilə əlaqədar Təbiəti Mühafizə və Milli Parklar Müdirliyinin 10-a yaxın üzvü və polis qrupları qaçan ayının axtarışına başlayıb.

Hadisə ilə əlaqədar ətraf kəndlərdəki məscidlərdən vətəndaşlara diqqətli olmaları üçün anonslar edilib. Elanda mal-qaranın çölə buraxılmaması ilə bağlı xüsusi xəbərdarlıq edilib.

Axtarışlar davam edir.

Telegramda izləyin