Şəkil çəkdirmək üçün götürdüyü silah əlində açıldı: Dostu öldü

İstanbulun Maltəpə səmtində axşam saatlarında dəhşətli hadisə baş verib.

Sonxeber.az xarici mediaya istinadən xəbər verir ki, hadisə saat 21:00 radələrində Zümrütevlər məhəlləsində, Eski Üsküdar küçəsində yerləşən qalereyada baş verib.

Qalereya sahibi C.Y-yə məxsus sənədsiz tüfənglə şəkil çəkdirmək istəyən M.A.Y. adlı oğlan tüfəngi əlinə alıb. O, poza verərkən təsadüfən silah partlayıb və dostu Berat Işık güllələnib.

Xəbərdarlıqdan sonra hadisə yerinə polis və təcili tibbi yardım briqadaları gəlib. Həkimlər qrupu tərəfindən aparılan yoxlamalar zamanı tüfəngdən qranullarla boynundan güllə yarası alan Berat Işıkın öldüyü müəyyən edilib.

Polisin hadisə yerindəki araşdırmasından sonra uşağın meyiti Ədliyyə Tibb Təşkilatının meyitxanasına aparılıb. Lisenziyasız tüfəngin sahibi, qalereya sahibi C.Y. və M.A.Y. saxlanılıb.

Telegramda izləyin