Ana 1,5 yaşlı qızını zibil qutusuna atdı

İstanbulun Esenyurt şəhərində psixoloji problemləri olan ana 1,5 yaşlı qızını zibil qutusuna ataraq qaçıb.

Sonxeber.az türk mediasına istinadən xəbər verir ki, hadisə dünən saat 18:00 radələrində İstanbulun Esenyurt Fatih məhəlləsində baş verib. Belə ki, zibillikdə 1,5 yaşlı qızı görən vətəndaşlar vəziyyəti polis qruplarına xəbər verib.

Hadisə yerinə çoxlu polis əməkdaşları və təcili tibbi yardım göndərilib. Polislər uşağı təcili yardıma mindirib. Onun səhhətinin yaxşı olduğu bildirilib.

Araşdırmalardan sonra uşağın anasının Ayşe D. adlı qadın olduğu müəyyən edilib. O polis tərəfindən saxlanılıb.

Araşdırma zamanı ananın psixoloji problemləri olduğu müəyyən edilib.

Hadisə ilə bağlı məhkəmə prosesi davam edir.

Telegramda izləyin