Səkidə gedən qızı keçmiş sevgilisinə oxşadıb döydü

Kahramanmaraşda səkidə gedən qız tanımadığı şəxsin hücumuna məruz qalıb.

Sonxeber.az türk mediasına istinadən xəbər verir ki, hadisə Pazarcık rayonunda baş verib. 23 yaşlı Nisa Akdere səkidə gedərkən tanımadığı şəxsin hücumuna məruz qalıb. Belə ki, şübhəli şəxs qızı yolda yumruqlamağa başlayıb və daha sonra hadisə yerindən qaçıb.

Qız hadisədən sonra ətrafdakəların köməyi ilə xəstəxanaya çatdırılıb. O sağaldıqdan sonra onu döyən şəxsdən polisə şikayət edib.

Axtarışlardan sonra hadisəni törədən Y.E.Y adlı şəxs polis tərəfindən saxlanılıb.

Saxlanılan Y.E.Y. ifadəsi alındıqdan sonra məhkəməyə göndərilib. Şübhəli sövq edildiyi Növbətçi Sülh Cəza Hakimliyi tərəfindən həbs edilib.

O ifadəsində gənc qızı keçmiş sevgilisinə bənzədib bir anlıq hirslə qıza hücum etdiyini və peşman olduğunu bildirib.

Faktla bağlı araşdırmalar davam edir.

Telegramda izləyin