Ailəsini yanğından görün hansı yolla xilas etdi

Boluda oteldə baş verən yanğında 4 uşağını və arvadını mələfələri bir-birinə bağlayaraq xilas edən vətəndaş danışıb.

Sonxeber.az türk mediasına istinadən xəbər verir ki, həmin şəxs açıqlamasında "Yanğın zamanı içəridəki yanğın nərdivanına tərəf getdik. Tüstünün gəldiyini görüb geri döndük. Bütün mələfələri bir-birinə bağlayıb 8-ci mərtəbədən 3 mərtəbəyə qədər asdım. 4 uşağımı, həyat yoldaşımı və otaqdakı 4 nəfəri xilas etdim" , - deyə bildirib.

O həmçinin bildirib ki, hadisə zamanı yanğın siqnalı səslənməyib.

Qeyd edək ki, Bolu Kartalkaya xizək kurortunda 238 nəfərin qaldığı Grand Kartal otelində baş verən yanğında 76 nəfər həyatını itirib.

Telegramda izləyin