Müğənni öldürdüyü sevgilisinin başını torbada daşıyarkən tutuldu

Nigeriyada dəhşətli qətl hadisəsi baş verib.

Sonxeber.az türk mediasına istinadən xəbər verir ki, Timileyen Ajayi adlı müğənni sevgilisini öldürdükdən sonra kəsilmiş başını torbada daşıyarkən insanlar tərəfindən yaxalanıb.

32 yaşlı Timileyenin 24 yaşlı Salomenin kəsilmiş başını torbada apardığını görən məhəllə sakinləri şübhələnib və onu tutublar.

O dərhal pollisə təhvil verilib. Polis, müğənninin evində apardığı axtarış zamanı qurbanın meyitinin digər hissələrini də tapdığını açıqlayıb.

Salomenin əmisi Samson Channels Television-a müsahibəsində Timileyeni orqan alverində günahlandırıb. "Biz bu qətli polis vasitəsilə öyrəndik. O, nəinki qızımızı öldürüb, həm də parçalayıb. O, cəsədi 50-dən çox parçaya bölüb və altı torbaya yerləşdirib", - deyə açıqlamasında o bildirib.

Faktla bağlı başladılan istintaq davam edir.

Telegramda izləyin