Sərxoş sürücü yol polisindən qaçmaq istəyərkən qəza etdi

Bursada yol polisindən qaçan şübhəli gecə yarısı şəhərdə səs-küyə səbəb olub.

Sonxeber.az türk mediasına istinadən xəbər verir ki, hadisə Bursansanın Osmanqazi rayonunda, Bursalı Tahir küçəsində baş verib.

Yol polisi spirtli içki qəbul etdiyindən şübhələndiyi 16 GT dövlət nömrə nişanlı avtomobilin sürücüsünü saxlayıb.

Sürücü vəsiqəsini polisə verən zaman qaza basaraq qaçıb. Polislər də dərhal ardınca onu təqib etməyə başlayıb.

Şübhəli başqa maşınına çırpılaraq qəza edib. Bu zaman polislər onu saxlaya biliblər.

Qəzadan sonra tutulan şübhəlinin adının Tuncer Doğan B. olduğu müəyyən edilib.

Yoxlamalar zamanı sürücünün spirtli içki qəbul etdiyi müəyyən olub.

Dindirilmək üçün polis bölməsinə aparılan Tuncer Doğan B.-yə 35 min 483 lirə pul cəzası kəsilib və sürücülük vəsiqəsi 2 il müddətinə əlindən alınıb.

Telegramda izləyin