Universitet tələbəsi dostlarının gözü qarşısında intihar etdi - VİDEO

Hindistanın Andhra Pradeş əyalətindəki Narayana Kollecində kədərli hadisə baş verib.

Sonxeber.az xarici mediaya istinadən xəbər verir ki, birinci kurs tələbəsi dərs zamanı qəfildən sinifdən çıxaraq binanın üçüncü mərtəbəsindən özünü ataraq intihar edib.

Hadisə anbaan təhlükəsizlik kameralarına düşüb. Kadrlarda dərs saat 10:15-də olarkən tələbənin qəfil ayağa qalxaraq heç nə demədən sinifdən çıxdığı görünür.

Tələbə 3-cü mərtəbənin dəhlizindəki pəncərəyə çıxıb və tərəddüd etmədən özünü atıb.

Şagirdin gözlənilmədən sinifdən çıxmasından sonra müəllim və sinif yoldaşları dəhşətli hadisənin şahidi olublar. Hadisədən şoka düşən tələbələr və müəllim dərhal sinifi tərk edərək aşağı qaçıblar.

Məktəbdən verilən açıqlamada, şagirdin daha əvvəl hər hansı problemi olduğuna dair heç bir əlamətin olmadığı bildirilib. Polis qrupları intiharın səbəblərini araşdırır. Gənc tələbənin ailəsi və yaxınları ilə müsahibələr aparılır.

Hadisə ilə bağlı istintaq müxtəlif aspektlərdən davam edərkən, məktəb rəhbərliyi şagirdlərə psixoloji dəstək veriləcəyini açıqlayıb.

Polis ətraflı araşdırmadan sonra əlavə məlumatın paylaşılacağını açıqlayıb.

Telegramda izləyin