İçki mağazasının sahibi silahlı hücuma məruz qalıb

Bursada içki mağazasının satıcısı iki nəfərin hücumuna məruz qalıb.

Sonxeber.az türk mediasına istinadən xəbər verir ki, hadisə Bursanın Osmanqazi rayonunda baş verib.

İçki mağazasında satıcı olan Soner Y. şəxsiyyəti məlum olmayan iki şəxsin silahlı hücumuna məruz qalıb.

Silah səslərini eşidən vətəndaşlar polisə və təcili tibbi yardıma məlumat veriblər.

Hadisə yerinə gələn həkimlər Soner Y-nin hər iki ayağından yaralandığını müəyyən edib.

Hadisə yerində edilən ilk müdaxilədən sonra yaralı Çekirge Dövlət Xəstəxanasına aparılaraq müalicə altına alınıb.

Polis hadisə ilə bağlı istintaq başladıb.

Telegramda izləyin