Məşhur aparıcı canlı yayımda ölüm cadusu ilə hədələndi

Müge Anlı verilişində qonaq olan qadın tərəfindən ölüm cadusu ilə hədələnib.

Sonxeber.az türk mediasına istinadən xəbər verir ki, Gönül Derman Aytimur adlı qadın peyğəmbər olduğunu iddia edib. O, bu üsulla insanları aldadıb və pullarını alıb. Aytimur qonaq olduğu Müge Anlının verilişində onu ölüm cadusu ilə təhdid edib.

Müge Anlı: "Sənə inanmıram. Sən şarlatansan. İnsanların psixoloji problemlərindən və cəhalətindən faydalanırsan. Onları aldadıb pullarını alırsan. Sən mənə heç nə edə bilməzsən", - deyə qadına cavab verib.

Efirdən sonra Aytimur polis tərəfindən saxlanılıb. Onun evində aparılan axtarışlar zamanı cadu üçün istifadə olunan materiallar üzə çıxıb.

Faktla bağlı istintaq başladılıb.

Telegramda izləyin