Yaşlı qadının yatdığı otağın döşəməsi çökdü - VİDEO

İstanbulun Beykoz rayonunda 80 yaşlı Fatma Çıdıkın yaşadığı evin döşəməsi çöküb.

Sonxeber.az xarici mediaya istinadən xəbər verir ki, Yeni Mahalle, Çiftlik küçəsində yaşayan Fatma Çıdık gecə yerdən gələn səslərə oyanıb.

Otağın döşəməsinin çökdüyünü görən Fatma Çıdık evindən çıxmaq istəmədiyi üçün xəbər verməyib.

Qonşular vəziyyəti polisə bildirərək, evin təhlükəli tikili olduğunu bildiriblər.

Hadisə yerinə gələn polis və hüquq-mühafizə qrupları evə baxış keçirib.

Fatma Çıdıkın mərhum ərinin illər əvvəl tikdirdiyi evin boş olduğu və döşəməsinin torpaq olduğu öyrənilib.

Sözügedən hadisədən sonra astma xəstəsi olan Çıdık qızının yanına aparılıb.

Daha əvvəl də evinin su altında qaldığını bildirən Fatma Çıdık, "Buranı əvvəllər də 3-4 dəfə su basıb, amma heç çökməyib. İlk dəfə çökdü, çox qorxdum. Evi rəhmətlik ərim tikdirib" - dedi.

Telegramda izləyin