Küçədə düşən dava zamanı fiziki məhdudiyyətli iş adamı öldürüldü

Kocaelinin Darıca rayonunda iki qrup arasında çıxan silahlı hücumda hadisə ilə əlaqəsi olmayan Metin Hacıoğlu adlı şəxs həyatını itirib.

Sonxeber.az türk mediasına istinadən xəbər verir ki, hadisə axşam saat 21:00 -də Nənə Hatun səmtindəki İbn Sina küçəsində baş verib. Belə ki, küçədə qarşılaşan iki qrup arasında naməlum səbəbdən mübahisə yaranıb. Mübahisə böyüdükcə hər iki qrup silahla bir-birinə atəş açıb. Bu zaman hadisə ilə əlaqəsi olmayan fiziki məhdudiyyətli iş adamı Metin Hacıoğlu vurulub. Ətrafdakıların məlumatı ilə hadisə yerinə təcili tibbi yardım və polis qrupları sövq edilib. Həkimlərin ilk müdaxiləsindən sonra yaralı xəstəxanaya aparılıb. Lakin bütün müdaxilələrinə baxmayaraq onu xilas etmək mümkün olmayıb.

Polis hadisədə şübhəli bilinən şəxslərin tutulması üçün əməliyyata başlayıb.

Telegramda izləyin