Evində bəslədiyi pişik üzündən görmə qabiliyyətini itirdi

İstanbulda öz bağçasında pişik balası bəsləyən 27 yaşlı Emir Kurt pişiyin gözünü cırmaqlaması nəticəsində Bartonella bakteriyasına yoluxub.

Sonxeber.az türk mediasına istinadən xəbər verir ki, hadisədən təxminən bir ay sonra görmə qabiliyyətini itirməyə başlayan Kurt, vəziyyətə əhəmiyyət verməyib. Lakin sağ gözündə tam görmə itkisi olduğunu hiss etdikdən sonra həkimə gedib.

Getdiyi ilk xəstəxanada ona diaqnoz qoya bilməyən həkimlər Kurtu Kanuni Sultan Süleyman Təhsil və Araşdırma Xəstəxanasına göndəriblər.

Burada aparılan müayinələr zamanı Kurta pişikdən keçən Bartonella bakteriyası şübhəsi ilə test aparılıb. Analizlərin nəticəsi çıxdıqdan sonra dərman müalicəsi başlanılıb.

Təxminən 2 ay davam edən müalicənin sonunda Kurtun sol gözü normala dönüb, sağ gözündə isə yüzdə 70 görmə itkisi var. Onun müalicələri davam edir.

Telegramda izləyin