Həyat yoldaşının xəyanət etdiyindən şübhələndi, görün başına nə gəldi

İstanbulda ağlasığmaz hadisə baş verib.

Sonxeber.az türk mediyasına istinadən xəbər verir ki, adı açıqlanmayan qadın ərinin onu aldatmasından şübhələnib və internetdə şəxsi detektiv axtarıb.

Bu proses zamanı özlərini detektiv kimi təqdim edən şəxslər qadına ərinin silinmiş mesajlarını bərpa etməklə onun işinə işıq sala biləcəklərini bildiriblər.

Şübhəlilər 3 paket dedektiflik proqramı alması lazım olduğunu söylədikləri qadını ümumilikdə 7 milyon türk lirəsi aldadıblar. Qadının şikayətindən sonra Ankara Respublika Baş Prokurorluğu araşdırmaya başlayıb.

İstintaq çərçivəsində Ankara İl Təhlükəsizlik Müdirliyi Asayiş Şöbə Müdirliyi Fırıldaqçılıq Büro Komandirliyi qrupları, sözdə "xüsusi detektiv" olaraq çalışdıqları təsbit edilən 7 şübhəlini həbs edib.

Şübhəlilər ələ keçməmək üçün müxtəlif hesablar arasında pul köçürdükləri, bankomatlardan pul çıxararkən tanınmamaq üçün motosiklet dəbilqələri taxdıqları və banklardan nağd pul çıxardıqları öyrənilib.

Təhlükəsizlik kameralarını da araşdıran polis qrupları, dələduzluq edən dəstənin liderinin qolunun gipsə bükülü olduğu barədə məlumat alıb. Polis qrupları keçirdikləri əməliyyatla şübhəliləri yaxalayaraq saxlayıb.

Polis bölməsindəki əməliyyatlardan sonra ədliyyəyə sövq edilən şübhəlilər tutularaq həbsxanaya göndərilib.

Telegramda izləyin