Qatilin də, qurbanın da 16 yaşı var! Dəfələrlə bıçaqlayaraq öldürdü!

Arnavutköydə aralarında mübahisə olan iki yeniyetmə oğlanın söhbəti ölümlə nəticələnib.

Sonxeber.az türk mediasına istinadən xəbər verir ki, hadisə saat 21.30 radələrində İstanbulun Arnavutköy səmtinin Maraşal Fevzi Çakmak məhəlləsində baş verib. Belə ki, aralarında mübahisə olan iki dost görüşüb, danışmaq istəyiblər.

Yasin Bozuklu (16), qardaşı B.B. (14) ilə görüş yerinə gedib və daha əvvəl mübahisə etdiyi Yakup K. (16) ilə görüşüb. Gənclər arasında başlayan mübahisə qısa zamanda davaya çevrilib. Dava zamanı Yakup K. cibindən bıçağı çıxararaq Yasin Bozukluya 5 bıçaq zərbəsi vurub.

Ağır yaralanan uşaq hadisə yerinə gələn təcili tibbi yardım əməkdaşlarının ilk yardımından sonra xəstəxanaya aparılıb. Xəstəxanada edilən bütün müdaxilələrə baxmayaraq, onun həyatını xilas etmək mümkün olmayıb.

Qətl şübhəlisi Yakup K. polis tərəfindən tutularaq nəzarətə alınıb.

Faktla bağlı başladılan istintaq davam edir.

Telegramda izləyin