Qumar üçün borc verməyən qohumlarını güllələdi

Ankarada bir dərnəkdə qumarda pul itirən şəxs iki qohumundan borc pul istəyib. Yox cavabı aldıqda isə həmin şəxs qohumlarını ov tüfəngi ilə vurub.

Sonxeber.az türk mediasına istinadən xəbər verir ki, hadisə Ankaranın Mamak səmtinin Ekin küçəsində yerləşən dərnəkdə gecə saatlarında baş verib.

Belə ki, dərnəkdə qumar oynayıb uduzan Ali Giraç (24) qohumu Mustafa Demir (45) və dostu B.D.-dən borc pul istəsə də, yox cavabı alıb. Bundan sonra evə gedən Giraç ov tüfəngi ilə dərnəyə qayıdaraq Mustafa Demir və B.D-yə atəş açıb.

Məlumat verildikdən sonra hadisə yerinə polis və təcili tibbi yardım göndərilib. Mustafa Dəmir ilk müdaxilənin ardından Xəstəxanaya aparılıb. Həkimlərin etdiyi bütün müdaxilələrə baxmayaraq, o həyatını itirib. B.D-nin isə vəziyyətinin yaxşı olduğu bildirilib.

Hadisədən sonra qaçan Ali Giraç qısa müddətdə saxlanılıb. Faktla bağlı araşdırmalara başlanılıb.

Telegramda izləyin