17 yaşlı tələbə liftdə ilişərək ölüb - VİDEO

Çinin Fujian əyalətindəki Huaqiao Universitetində nasaz liftdə tələbənin ilişərək öldüyü anlar təhlükəsizlik kameralarına düşüb.

Sonxeber.az xarici mediaya istinadən xəbər verir ki, üçüncü mərtəbədə lifti gözləyən memarlıq fakültəsinin tələbəsi qapılar açılanda içəri keçdi. Bu zaman lift qəfildən yuxarı qalxıb. Tələbə liftin döşəməsi ilə qapı çərçivəsi arasında sıxılaraq ölüb.

Hadisənin şahidi olan başqa bir tələbə yoldaşının əvvəlcə təəccübləndiyini, lakin narahat görünmədiyini söylədi. Liftin qəfil yuxarı qalxması ilə reaksiya vermək imkanı olmayan tələbə yuxarı bədəni və sol ayağı ilə liftin içərisində qalıb, qalan hissəsi isə çöldə asılı qalıb.

Hadisə yerinə gələn xilasetmə qrupları tələbənin ağciyərləri sıxıldığı və nəfəs ala bilmədiyi üçün öldüyünu müəyyən edib.

Hadisədən sonra universitetin prezidenti Jia Yimin araşdırmaya başlanılacağını açıqlayıb. Təhsil rəsmiləri universitetin bütün liftlərində təhlükəsizlik yoxlamalarının aparılacağını açıqlayıb.

Onu da qeyd edək ki, Çində son bir ayda altı ağır lift qəzası baş verib, onlardan beşi ölümlə nəticələnib.

Telegramda izləyin