Evində sarı serum müalicəsi alan kişi həyatını itirdi

Ataşehirdə evində sarı serum müalicəsi alan Harun Bayramoğlu pisləşərək xəstəxanaya aparılıb.

Sonxeber.az türk mediasına istinadən xəbər verir ki, hadisə İçerenköy Məhəlləsində gecə yarısı baş verib. Evində sarı serum müalicəsi alan 64 yaşlı Harun Bayramoğlu birdən-birə pisləşdiyini görən ailəsi dərhal təcili tibbi yardıma məlumat verib.

Xəbərdarlıq üzərinə evə gələn təcili tibbi yardım əməkdaşlarının ilkin tibbi yardımdan sonra Bayramoğlu xəstəxanaya aparılıb.

Burada müalicə alan Bayramoğlu bütün müdaxilələrə baxmayaraq həyatını itirib.

Onun meyiti ölümünün dəqiq səbəbini müəyyən etmək üçün tibbi ekspertizaya aparılıb. Polis hadisə ilə bağlı araşdırma başladıb.

Qeyd edək ki, Sarı serum adətən apteklərdə və ya özəl klinikalarda həkim resepti olmadan hazırlanan qarışıqdır. Tərkibində B vitamini, ağrıkəsicilər, antibiotiklər və əzələ yumşaldıcılar var. Bu qarışıq immunitet sistemini dəstəklədiyi və xəstəliklərə qarşı müqaviməti artırdığı iddiası ilə istifadəçilərə verilir. Bununla belə, mütəxəssislər xəbərdarlıq edir ki, bu cür hərəkətlər nəzarətsiz həyata keçirildikdə ciddi sağlamlıq problemlərinə səbəb ola bilər.

Telegramda izləyin