Argentinada yaşayan türk aktyorun müəmmalı ölümü: Niyə intihar edib?

Bir müddətdir Argentinada yaşayan məşhur aktyor Nedim Serkan Durakın müəmmalı ölümü müzakirələrə səbəb olub.

Sonxeber.az türk mediasına istinadən xəbər verir ki, Nedim Serkan Durakın ailəsi və dostları ondan xəbər ala bilmədiklərini bildirilib. "HaberGlobal"ın Argentina mətbuatına istinadən verdiyi məlumata görə, Argentina polisi aktyorun itkin düşdüyü xəbəri üzərinə hərəkətə keçərək axtarışlara başlayıb.

İddiaya görə, Nedim Serkan itkin düşməzdən əvvəl dostuna vida mesajı göndərib. O mesajında həyatına son qoymağı düşündüyünü bildirib.

Nazım Hikmət Mədəniyyət Mərkəzinin X hesabında edilən paylaşımda isə onun həyatını itirdiyi açıqlanıb: "Nedim Serkan Durakı itirdik. Onu itirdiyimiz üçün çox kədərlənirik. İnsanları tənha və çarəsiz hiss etdirən, həyatlarından vaz keçməyə məcbur edən bu sistemi mütləq dəyişəcəyik", - deyə açıqlamada qeyd olunub.

Serkanın ailəsindən ölüm səbəbi ilə bağlı açıqlama verilməyib.

Telegramda izləyin