İllərdir atası olaraq bildiyi adam əslində doğma atasının qatili imiş

Muğlada film ssenarisi olduğunu düşünməyə vadar edən hadisə baş verib.

Sonxeber.az türk mediasına istinadən xəbər verir ki, hadisə Muğlanın Ula rayonunda baş verib.

Belə ki, 50 yaşlı Berrin N. illərdir atası kimi tanıdığı Mahir A.-nın əslində bioloji atası olmadığını öyrənib və məhkəməyə müraciət edib. Proses zamanı edilən DNT testi gözlənilməz faktı üzə çıxarıb. Belə ki, Berrin N-nin illərdir atası olduğunu düşündüyü Mahir A. əslində onun əsl atasını öldürən şəxs imiş.

Polisin araşdırması dəhşətli faktları üzə çıxarıb. Belə ki, Berrinin anası Fatma A. əri Mahir A. ilə evli ikən Akyakanın ən zəngin adamlarından biri olan məhəllə muxtarı Mustafa Uyanıkla qeyri-qanuni münasibətdə olub. Bu münasibət nəticəsində Berrin doğulub. 1982-ci ildə Mahir A.-nın həyat yoldaşı Fatma A. və Mustafa Uyanıkı meşəlik ərazidə yaxalaması ilə hadisələr böyük faciəyə çevrilib. Əsəbiləşən Mahir A. arvadı və sevgilisini güllələyib. O, bir müddət həbsxanada qaldıqdan sonra azadlığa buraxılıb və qızını böyüdüb. Berrin bunları illər sonra bacısı ilə mübahisə edərkən öyrənib və məhkəmə araşdırması nəticəsində dəqiqləşdirib.

Berrin hal-hazırda bacısı ilə miras davasını davam etdirir.

Telegramda izləyin