Ölümlə nəticələnən qəzadan əvvəl spirtli içki masasında xatirə şəkli çəkdirib - VİDEO

Adananın Seyhan rayonunun Yurt məhəlləsində Alparslan Türkeş Bulvarında D.Şükrü (22) idarə etdiyi 01 AVE 828 dövlət nömrə nişanlı yüngül ticari avtomobil 01 AUA 337 dövlət nömrə nişanlı elektrikli velosipedlə hərəkətdə olan Aydın Usluya arxadan çırpıldıqdan sonra elektrik dirəyinə dəyib.

Sonxeber.az türk mediyasına istinadən xəbər verir ki, qəzadan sonra yüngül ticari avtomobil sürücüsü D.Şükrü iki dostu ilə birlikdə avtomobilindən düşərək qaçıb. Qəza anı təhlükəsizlik kameralarına düşüb.

Xəbərdarlıq üzərinə bölgəyə tibbi və polis qrupları sövq edilib. Hadisə yerinə gələn tibbi qruplar Aydın Uslunun həyatını itirdiyini müəyyən edib. Aydın Uslu Küçükoba qəbiristanlığında dəfn edilib.

Asayiş Şöbə Müdirliyi Cinayət Büro Komandirliyi qrupları D.Şükrünün tutulması üçün iş başlatdı. Araşdırmada D.Şükrü qəzadan bir müddət əvvəl spirtli içki masasında poza verdiyi və çəkdirdiyi fotonu sosial media hesabında paylaşdığı məlum olub.

Polis D.Şükrünü gizləndiyi mənzildə yaxalayıb. Polis bölməsindəki əməliyyatların ardından ədliyyəyə sövq edilən D.Şükrü gətirildiyi məhkəmədə həbs edilib.

Telegramda izləyin