İşıqforun qırmızı işığında dayanmayan sürücü universitet tələbəsinin həyatını son qoydu - VİDEO

İstanbulun Eyüpsultan səmtinə bağlı Topçular Məhəlləsində qətlə bənzər qəza baş verib.

Sonxeber.az türk mediyasına istinadən xəbər verir ki, əldə edilən məlumata görə, İstanbul Universitetinin (İU) Kompüter Mühəndisliyi fakültəsinin 1-ci kurs tələbəsi Mehmet Salih Çetin piyadalar üçün yaşıl işıq yanarkən piyada keçidində yolu keçmək istəyib.

Çetin yolu keçmək istəyərkən yolda yük maşını ilə hərəkətdə olan və işıqforun qırmızı işığında dayanmayan Yəhya Berkay Şahin sürətlə Çetini vurub.

Zərbə nəticəsində Çətin xeyli sürüklənərək ağır yaralanıb. Xəbəri alan tibbi qruplar hadisə yerinə gələrək Çətinə ilkin tibbi yardım göstərib. Ağır xəsarətlərlə xəstəxanaya aparılan Çətini bütün müdaxilələrə baxmayaraq xilas etmək mümkün olmayıb.

TIR sürücüsü Yəhya Berkay Şahin polis bölməsindəki əməliyyatlardan sonra məhkəmə qərarı ilə tutularaq həbsxanaya göndərilib.

Qəza anı saniyə-saniyə təhlükəsizlik kamerasına düşüb.

Telegramda izləyin