Qədim dövrə aid tarixi eksponatları xaricə satmaq istəyən şübhəlilər saxlanılıb

İstanbulun Eyüpsultan bölgəsində tarixi eksponatları qaçaq yolla xarici ölkələrə satmaq istəyən şübhəlilər saxlanılıb.

Sonxeber.az türk mediasına istinadən xəbər verir ki, polisin 3 fərqli ünvanda həyata keçirdiyi əməliyyatda Roma dövrünə aid 200 illik, 2 metr uzunluğunda, 15 santimetr enində üzərində adı qızılla yazılmış Tövrat, Qədim Yunanıstan Pontus Amisos dövrünə aid 550, Bizans dövrünə aid 51 sikkə ələ keçirilib.

Belə ki, şübhəlilər qədim dövrə aid qiymətli əşyaları xaricə satmaq istəyirmişlər. Əməliyyat zamanı məlum olub ki, onlar Tövratı 1,5 milyon dollara satmağa cəhd ediblər.

Hadisə ilə əlaqədar əsas 3 şübhəli olmaqla ümumilikdə 6 nəfər saxlanılıb.

İstintaq davam edir.

Telegramda izləyin