Məktəbdə çalınan zəngin səsindən narahat olan vətəndaş müdiri bıçaqladı

Sakaryada bir şəxs evinin yanındakı məktəbdə çalan zənginin onu narahat etdiyini deyərək məktəbə hücum edib.

Sonxeber.az türk mediasına istinadən xəbər verir ki, şübhəli şəxs məktəbin direktorunun otağına girərək bıçaqla onu yaralayıb.

Dərhal polisə və təcili tibbi yardıma məlumat verilib. Məktəb müdiri dərhal xəstəxanaya çatdırılıb. Polis tərəfindən saxlanılan şübhəli "Zəngin səsi məni narahat edirdi. Yata bilmirdim" deyə ifadə verib. Araşdırma zamanı şəxsin bipolyar pozğunluq xəstəsi olduğu üzə çıxıb. O polisdəki ifadəsindən sonra xəstəxanaya yerləşdirilib.

Faktla bağlı istintaq davam edir.

Telegramda izləyin