İt 3 yaşlı qız uşağına hücum etdi - VİDEO

Üç yaşlı Elif Dua Alpaydın və anası Esra Ərdoğan alış-veriş etmək üçün İzmirin Karşıyaka rayonunda yerləşən ticarət mərkəzinə daxil olub. Bu vaxt Elif Dua divanda it olduğunu görüb və onu oxşamağa gedib.

Sonxeber.az türk mediyasına istinadən xəbər verir ki, Elif Dua yaxınlaşan an divanda dayanan it birdən balaca qızın üzünə çırpılıb, dodağını dişləyib pəncəsi ilə alnını cızıb. Ana Esra Ərdoğan uşağını itdən uzaqlaşdırarkən qızının yaralandığını görüb.

Xəstəxanaya aparılan Elif Dua müalicəsinin ardından evə buraxılıb. Hadisədən sonra Elif Duanın valideynləri sahibsiz itə sığınacaq düzəldən ticarət mərkəzi və mağazadan şikayət edib.

Kiçik qıza edilən hücum təhlükəsizlik kameraları tərəfindən lentə alınıb. Görüntülərdə anası ilə mağazaya gələn Elif Duanın divanda oturan itin yanına getməsi, daha sonra itin qəfildən uşağa hücum etməsi, Elif Duanın anasının isə yaralı uşağı xilas etməsi əks olunub.

Telegramda izləyin