Boş yerə başlayan mübahisədə qan töküldü: Qardaşı sevgilisinin qatili oldu

Ankaranın Yenikent rayonunda dəhşətli hadisə baş verib.

Sonxeber.az türk mediyasına istinadən xəbər verir ki, iddiaya görə H.C.adlı qadın onun şəhər xaricinə çıxmaq istəyinə qarşı çıxan sevgilisi İ.D. ilə mübahisə edib. Mübahisə böyüdüyü üçün qadın qardaşı M.Ç-nı çağırıb.

Evə gələn M.C. və İ.D arasında başlayan mübahisə tezliklə davaya çevrilib. Dava zamanı M.Ç belindən çıxardığı silahla İ.D-yə atəş açıb. Şübhəli şəxs hadisə yerindən qaçıb, güllələnən İ.D. isə qanlar içində yerə yıxılıb.

Atışma səslərini eşidən vətəndaşlar hadisə barədə məlumat verdikdən sonra ünvana polis və tibb qrupları sövq edilib. Həkimlər tərəfindən aparılan müayinədən sonra İ.D-nin həyatını itirdiyi müəyyən edilib.

İ.D.-nin cansız bədəni tibbi ekspertiza üçün məhkəmə-tibb müəssisəsinə aparılıb.

Polis qrupları hadisə yerindən qaçan şübhəli M.Ç.-ni qısa müddətdə tutub. Hadisə ilə bağlı araşdırma aparılır.

Telegramda izləyin