"Qorxur, xahiş edirəm sakitləş" - VİDEO

İzmir-Bursa yolunda baş verən hadisədə iki qadın sürücü arasında mübahisə davaya çevrilib.

Sonxeber.az türk mediyasına istinadən xəbər verir ki, hələlik şəxsiyyəti bəlli olmayan sürücülərdən biri əsəbini cilovlaya bilməyib avtomobilindən düşərək digər avtomobilə tərəf hərəkət edib. Olduqca əsəbi görünən qadın maşının şüşəsini bərk vuraraq söyüş söyüb.

Digər qadın sürücü isə maşınında kiçik bir uşaq olduğunu bildirib və "Qorxur, xahiş edirəm sakitləş", - deyib. Lakin qəzəbli sürücü bu xəbərdarlığa məhəl qoymayıb və təhqirlərinə davam edib. O, söyüşləri və sərt hərəkətləri ilə ətrafındakıları da şoka salıb.

Gərgin anlardan sonra tərəflər hadisə çox böyümədən yollarına davam ediblər.

Telegramda izləyin