Kömür mədənində partlayış: 5 nəfər ölüb, 4 nəfər yaralanıb

İspaniyada kömür mədənində partlayış olub.

Sonxeber.az türk mediyasına istindən xəbər verir ki, ölkənin şimalındakı Asturiya knyazlığının Deqana şəhərində kömür mədənində baş verən partlayış nəticəsində 5 nəfər həyatını itirib, 4 nəfər isə ağır yaralanıb. Təcili xidmət qrupları, 2 adamın yara almadan xilas olduğunu açıqladı.

İspaniya hökumətinin Asturiyadakı nümayəndəsi Adriana Lastra bildirib ki, ilkin nəticələr partlayışın metan qazından törədildiyini göstərib. İspaniyanın baş naziri Pedro Sançez sosial media hesabında baş verənləri paylaşaraq, "Həyatını itirənlərin ailələrinə dərin hüznlə başsağlığı verir, yaralılara tezliklə şəfa diləyirəm" deyib.

Asturiya regional hökumətinin prezidenti Adrian Barbon iki günlük matəm elan edib.

Telegramda izləyin