Myanmada zəlzələdən beş gün sonra kişi dağıntılar altından sağ çıxarıldı

Myanmada bir əsrin ən dəhşətli zəlzələsindən beş gün sonra hotelin dağıntıları altından bir nəfər sağ çıxarılıb.

Oxu.Az bu barədə "The Guardian"a istinadən xəbər verir.

Qeyd edilib ki, 26 yaşlı gənc gecəyarısından sonra Myanma və Türkiyədən olan xilasedicilərdən ibarət birgə qrup tərəfindən paytaxt Neypyidoda binanın dağıntılarının altında sağ tapılıb.

Xatırladaq ki, martın 28-də Myanmada 7.9 ballıq güclü zəlzələ baş verib. Ölənlərin sayı 2 800 nəfəri ötüb. Həmçinin zəlzələdən Tailand da zərər çəkib. Güclü təkanlar Banqkok və onun ətrafında, eləcə də krallığın şimal, şimal-şərq, mərkəzi və cənub bölgələrində hiss olunub.

Telegramda izləyin