Mübahisə zamanı arvadını dəfələrlə bıçaqlayıb öldürən kişi saxlanılıb

Esenyurtda uzun müddətdir şiddətli münaqişə yaşayan cütlüyün son mübahisəsi qətllə bitib.

Sonxeber.az türk mediasına istinadən xəbər verir ki, hadisə Barboros Hayrettin Paşa məhəlləsində baş verib. Belə ki, Ahmet Başak adlı şəxs arvadı Ayşegül Başakla naməlum səbəbdən mübahisə etməyə başlayıb. Mübahisə getdikcə davaya çevrilib. Bu zaman əsəbiləşən Ahmet həyat yoldaşını mətbəxdə çoxsaylı bıçaq xəsarətləri ilə öldürüb.

Qonşuların məlumatı ilə evə polis və təcili tibbi yardım sövq edilib. Evə gələn polislər hadisə baş verən zaman cütlüyün qızlarının evdə olduğunu müəyyən edib.

Qadının meyiti tibbi ekspertizaya aparılıb. Ahmet Başak saxlanılıb.

Faktla bağlı istintaq başladılıb.

Telegramda izləyin